Ditën e nesërme në Tiranë do të pritet Ministeriali i Ministrave të Brendshëm, në kuadër të Procesit të Berlinit, pjesë e të cilit do të jenë 26 vende të BE-së dhe Ballkanit Perëndimor.
Pjesë e delegacionit të përfaqësuesve të shteteve evropiane do të jetë edhe Ministri i Mbrojtjes së Qytetarit, i Greqisë, Yannis Oikonomou.
Krahas pjesëmarrjes në këtë konferencë, Oikonomou ditën e premte, më 15 shtator, pritet të vizitojnë kryebashkiakun e zgjedhur të Himarës, Fredi Belerin, i cili ndodhet në burg.
Programi i Yannis Oikonomou në detaje:
E enjte, 14 shtator
Ora 10:20 Takim me Ministrin e Brendshëm të Shqipërisë, Taulant Balla
Ora 12:30 Takim me Kryepeshkopin e Tiranës, Durrësit dhe gjithë Shqipërisë z. Anastasio
14:00-18:00 Konferenca Ndërministrore
Seksionet e konferencës janë si më poshtë:
Menaxhimi i integruar i kufijve në Ballkanin Perëndimor
Bashkëpunimi rajonal në luftën kundër krimit të organizuar
Bashkëpunimi për sigurinë kibernetike në Ballkanin Perëndimor/Opinion.al
