Policia e Tiranës ka proceduar penalisht administratorin e ekipit të Kastriotit në Superligën Shqiptare. Shkak për këtë është reklamimi i basteve sportive.
Policia njofton se në fanellat e lojtarëve të këtij ekipi ka pasur logo reklamuese të një shoqërie bastesh sportive. Kjo bie në kundërshtim me ligjin. Për këtë arsye, administratori i klubit të Kastriotit, Gazmend Vogli 30 vjeç, është proceduar në gjendje të lirë. Ndeshja mes Kastriotit dhe Partizanit luhej ditën e premte në stadiumin “Selman Stërmasi” në kryeqytet. Krutanët u mundën me rezultatin 2 me 0.
Policia e Tiranës njofton se po kryhen verifikime për veprën penale të “Shpërdorimit të detyrës“ edhe për vëzhguesin e Federatës Shqiptare të Fubollit prezent në këtë ndeshje. Kjo pasi ai ka lejuar që futbollistët të luajnë ndeshjen duke pasur të reklamuar në fanella këtë logo të kompanisë së basteve.
Sipas ligjit, bastet sportive mbyllur që prej 1 Janarit 2019 dhe ndalohet reklamimi i tyre. /E.L
