Prokurori i Përgjithshëm Adriatik Llalla ka shkuar në Elbasan pas rasteve të shumta të denoncimeve me parregullsitë në procesin e votimit.
Kryeprokurori është takuar me drejtuesin e Prokurorisë së qarkut të Elbasanit me të cilin ka biseduar për këto parregullsi. Raportohet se autoritetet kanë nisur hetimet për disa persona në lidhje me raportimet për parregullsi.
“Ishte një vizitë në Prokurorinë e Elbasanit për të ndjekur situatën zgjedhore e ngjarje të mundshme. Strukturat e prokurorisë janë të gatshme në të gjithë vendin”, ka thënë Llalla për mediat.
Më herët u raportua nga media por edhe nga Sali Berisha se në disa fshatra të Elbasanit po tentohet të blihet vota.
