Në Dibër vijon procesi i numërimit të votave. Deri tani janë numëruar 83 qendra votimi nga 118 gjithësej, të cilat i japin avantazh kandidatit socialist.
Sipas të dhënave të fundit, Muharem Rama kryeson me 13.993 vota ndaj rivalit Sherefedin Shehu, me 10.478, me një diferencë prej 3.515 votash.
Ora 13:30
Ka rinisur pas një ore ndërprerje numërimi i votave në Dibër, aty ku dje u votua për kryetarin e ri të Bashkisë. Deri tani janë numëruar 60 kuti votimi nga 118 që janë në total. Kandidati i majtë, Muharrem Rama është në epërsi me 2 650 vota krahasuar me Sherefedin Shehun e PD-së.
Ora 12:30
Eshtë ndërprerë sërish numërimi i votave në Bashkinë e Dibrës. Kryetari i KZAZ nr.19 ka kërkuar të dalin jashtë të gjithë personat e paautorizuar. Po ndërhyn policia për të shpërndarë eksponentët partiak që kanë mbushur ambientet e KZAZ-së.
Aktualisht janë numëruar 56 kuti nga 118 që janë në total. Në avantazh për Bashkinë e Dibrës është kandatiti i majtë, Muharrem Rama, me mbi 2000 vota më shumë se Sherefedin Shehu.
