Është shkarkuar nga Komisioni i Pavarur i Kualifikimit kryetari i pezulluar i Gjykatës së Apelit të Durrësit, Petrit Çeno. Ndër arsyet kryesore të shkarkimit ka qenë mosjustfikimi i pasurisë, ndërsa Çeno ka qenë edhe më parë nën akuzë për korrupsion pasiv.
Në vitin 2015 Prokuroria e Krimeve të Rënda nisi një hetim ndaj Çenos dhe dy gjyqtarëve të tjerë, pasi akuzoheshin se ishin sponsorizuar nga një biznesmen për të parë ndeshjen Real Madrid – Barcelona në Spanjë.
Petrit Çeno e ka nisur karrierën si gjyqtar që në vitin 1992 dhe ka qenë kryetar i Gjykatës së Apelit në Durrës. Në vitin 2013 ai u dekretua nga Presidenti i anëtar i Gjykatës së Lartë, por u hodh poshtë nga mazhoranca socialiste./Opinion.al
