KPK ka vendosur të shkarkojë nga detyra gjyqtarin Artan Broci, i cili nuk ndodhej i pranishëm në sallë.
Në seancën e parë dëgjimore, KPK ishte shprehur se janë gjetur probleme me pasurinë dhe më konkretisht mbi mënyrën se si është investuar për bërjen e një shtese në Tiranë. Shkelje tjetër u cilësua një dhënie qeraje në një zonë të Tiranës.
Broci ishte gjyqtar ne Gjykaten e Larte.
Ne seancen degjimore ILDKPKI e konsideroi pa probleme pasurinë e gjykatësit, por KPK deklaroi në seancë se nga hetimi administrativ i tyre, janë konstatuar mospërputhje të deklarimeve nga ana e subjektit.
Komisioni relatoi më tej, se subjekti i është shmangur pagesës së taksave për qiranë e një ambienti në kryeqytet.
Broci i kujtoi Komisionit se me rezultatet e hetimit nuk është njohur për një kohë të gjatë.
“Materialet mu vunë në dispozicion vetëm pas kërkesës time, duke mos më dhënë mundësinë për një mbrojtje efektive”, theksoi ai.
Vendimi për anëtarin e Këshillit të Lartë të Drejtësisë do të shpallet më 31 korrik, e të gjitha gjasat janë që Broci të vazhdojë rrugëtimin e tij në sistemin gjyqësor.
