Prizreni është tronditur ditën e sotme nga një ngjarje e rëndë, ku një burrë dhe një grua janë ekzekutuar me breshëri plumbash.
Viktimat janë gjetur pa shenja jete në banesën e tyre, në lagjen Ortakoll, në rrugën “Jusuf Gervalla” në Prizren.
Zëdhënësi për media në Drejtorinë Rajonale të Prizrenit, Vesel Gashi, ka deklaruar se në vendin e ngjarjes është gjetur një armë me të cilën dyshohet se është kryer vepra e cilësuar si ‘vrasje e rëndë’.
Mësohet se çifti i bashkëshortëve jetonin në Suedi dhe ishin kthyer në Kosovë me datën 20 të këtij muaji, ndërsa ende nuk dihen motivet e ngjarjes së rëndë./Opinion.al
