Pritet të nisë numërimi i votave të diasporës. Siç bëhet me dije numërimi i votave të shtetasve nga jashtë pritet të nisë në orën 9:00.
Sipas të dhënave të Komisionit Qendror të Zgjedhjeve deri më tani janë numëruar rreth 79409 zarfe, nga 194889 të diasporës.
Nga të dhënat e KQZ, Partia Socialiste e Shqipërisë ka marrë 42492 vota ose 53.97 % të tyre. Ndërkohë, sa i takon votave nga jashtë, koalicioni Partia Demokratike – Aleanca për Shqipërinë Madhështore ka marrë 22481 vota ose 28.55 % të tyre.
Gjithashtu, Komisioni Qendror i Zgjedhjeve njoftoi orët e para të mëngjesit se ka përfunduar procesi i numërimit dhe vlerësimit të votave për votimin brenda territorit të Shqipërisë, në përputhje me afatet e parashikuara në Kodin Zgjedhor. Procesi ka përfshirë të gjitha subjektet zgjedhore, partitë politike dhe koalicionet në 12 qarqet e vendit.
Sipas të dhënave paraprake të KQZ-së:
- Numri i zgjedhësve në listën brenda vendit ishte 3.467.962.
- Kanë votuar 1.458.251 zgjedhës, duke shënuar një pjesëmarrje prej 42.21%.
- Janë konsideruar të vlefshme 1.402.820 vota, ndërsa 55.334 vota janë shpallur të pavlefshme.
Procesi i votave nga jashtë vendit vijon.
Në vijim të përpunimit të rezultateve, KQZ njofton se procesi i numërimit dhe vlerësimit të votave të zgjedhësve nga jashtë vendit është ende në vijim. Procesi i numërimit për votat nga jashtë ka përfunduar për qarkun Kukës.
