Liderët e vendeve anëtare të NATO-s po zhvillojnë ditën e sotme samitin e radhës në Bruksel. Në mesin e temave kryesore të Samitit të NATO-s, janë koncepti strategjik i aleancës veriatlantike, rritja e Rusisë dhe Kinës, ndikimi i ndryshimit të klimës, siguria botërore, kërcënimet kibernetike dhe përfundimi i misionit në Afganistan.
Ky është samiti i parë i aleancës me Biden si president i SHBA, i cili mori pjesë edhe në samitin e G7 gjatë fundjavës në Angli.
Në këtë samit merr pjesë edhe kryeministri shqiptar Edi Rama, i cili ka publikuar pamjet nga vizita e tij në Bruksel në rrjetin social Instagram.
Vendet anëtare të NATO-s janë mbledhur në kuadër të miratimit të Agjendës 2030.
Iniciativa NATO 2030 synon që të përpunojë mekanizmat për të përshtatur Aleancën për të përballur sfidat e konkurrencës strategjike dhe kërcënimeve transnacionale, përfshirë ndryshimin e klimës dhe sulmet kibernetike./Opinion.al
View this post on Instagram
