Shkëlzen Berisha do të dalë sërish sot para Komisionit Hetimor Parlamentar për “CEZ”. Mbetet për t’u parë nëse Shkëlzen Berisha do të betohet para kryetarit Taulant Balla apo do të refuzojë si në dy seancat e fundit. Në seancën e radhës pritet të ezaurohet edhe pretendimi i djalit të ish-kryeministrit, i cili për të shmangur dëshminë, paraqiti një kërkesë për përjashtmin e kryetarit të komisionit Taulant Balla nga kryesimi i seancës dhe nga pyetja e dëshmitarit.
Referuar praktikës dhe precedentëve, komisioni e ka hedhur poshtë kërkesën.
Ndërkaq, seanca e sotme zhvillohet në kushtet kur, ditët e fundit, janë zbuluar edhe dy fakte komprometuese për djalin e Berishës.
Sipas një deklarate të tatimeve, Shkëlzen Berisha nuk ka paguar taksat nga viti 2007 deri në vitin 2011, për cilat rrezikon të procedohet penalisht. Në vitin 2009 dhe 2010 ai rezulton të ketë shtuar pasurinë e tij në dy vite me plot 600 mijë euro, por nuk ka paguar asnjë taksë. Vetëm gjatë vitit 2009, Shkëlzeni ka shtuar 300 mijë euro në llogarinë e tij bankare.
Ndërkohë lajmi i publikuar në disa portale të afrëta me qeverinë shtë përgënjeshtruar nga Shkëlzen Berisha. Ai është shprehur se asnjë nga ato që janë publikuar nuk janë të vërteta dhe se për të gjitha të ardhurat në këto vite specifikisht në të gjitha në përgjithësi është paguar tatimi. Aq më tepër që ndryshimet financiare të të ardhurave janë paqyruar në deklarimin e pasurisë bashkë me të shlyerjen e taksave.
