Prishtina Mall është një prej investimeve më të mëdhaja në Europë, por njëkohësisht edhe një koncept i ri i mënyrës së të jetuarit.
E prezantuar në emisionin ‘Opinion’, bëhet me dije se kjo qendër është hapur së fundmi në konceptin jo thjesht të një qendre tregtare, por të një ambienti shumë dimensional dhe shumë funksional.
E renditur si një nga 10 qendrat tregtare më të mëdha të Evropës Juglindore, ajo mbulon një sipërfaqe prej 240 mijë metrash katrorë, e pajisur me një itinerar dyqanesh prej 2.5 km, mbi plot 5000 vende parkimi për automjetet, salla kinemaje, librari, restorante e shumë të tjera.
Sipas Fatmir Zymberit, kryetar i bordit të aksionarëve, 30% e sipërfaqes së Prishtina Mall është e mbuluar nga ambiente argëtimi për të gjitha moshat, duke filluar që nga mosha më e vogël që është 6 muajsh e deri tek mosha e mesme.
Kjo qendër përfshin një koncept urban, çka do të thotë se qytetarët mund të vijnë ta vizitojnë e të rrijnë ku të duan ata. Më shumë se gjysma e sipërfaqes së qendrës, ka hapësira të përbashkëta, të cilat të japin mundësinë për tu relaksuar dhe tu qetësuar pa pasur nevojë të shpenzosh ose të detyrohesh të blesh dicka.
I krijuar në formën e një miniqyteti, të jep idenë sikur ndodhesh në natyrë dhe kjo ndodh pikërisht nga arkitektura dhe dizajni i saj, të cilat janë bërë nga një kompani amerikane që ka projektuar mbi 180 qendra tregtare.
Me një eksperiencë ndërkombëtare nga të gjithë vendet e botës, ajo i ka dhënë Prishtina Mall pamjen e një shtëpie të dytë për qytetarët. E dizenjuar me dru të laminuar dhe me një numër të lartë Sky Light-esh, kanë bërë të mundur prezencën e dritës natyrore që të shoqëron gjithë kohës.
Përveç dritës dhe ajrit të kondicionuar, qendra përmban mbi 6000 bimë dhe plot 233 dyqane të markave më të njohura.
Sipas Alvaro Antonio Costa, CEO dhe drejtor menaxhues në Prishtina Mall, është një qendër tregtare e gjeneratës së re.
Projektimi i kësaj qendre ka pasur tre gjëra kryesore: funksionalitetin, sigurinë dhe argëtimin, të cilat janë arritur me sukses.
Nëse do të shkoni të vizitoni nga afër qendrën, do tju duhen më shumë se 5 orë, kjo ndodh nga numri i lartë i dyqaneve dhe ambjenteve të argëtimit por edhe nga ‘trafiku’ i vizitorëve që vijnë, ku llogariten të jenë100 mijë të tillë brenda ditës e ndërsa në vit rreth 15 milion vizitorë nga i gjithë rajoni.
Si fillim Prishtina Mall u krijua nga 4 aksionerë edhe sot në ditën që flasim numërohen plot 15 të tillë, të cilët kanë investuar plot 450 milion euro për sipërfaqen dhe ambientet e qendrës, e cila përmban rreth 3000 punëtorë.
Prishtina Mall nuk është një arritje vetëm për Prishtinën dhe Kosovën, por edhe për të gjithë Ballkanin, pasi ka si synim vendosjen në hartën e shitjeve me pakicë Kosovën edhe tërë rajonit e Ballkanit./Opinion.al
