Rajoni

Prishja e koalicionit,Mustafa: Nuk i tërheq ministrat e LDK-së nga qeveria


               Publikuar në : 11:04 - 26/03/20 |
Opi Nion

Isa Mustafa, kryetari i Lidhjes Demokratike të Kosovës, ka deklaruar se nuk do t’i tërheqë ministrat e zëvendministrat e partisë së tij nga detyrat e tyre në Qeverinë në dorëheqje.

Pavarësishtë se koalicioni VV-LDK ka rënë mbrëmë, Mustafa ka thënë se mbetet kryeministrit në detyrë, Albin Kurtit që të vendosë nëse do të punojë me ata në kohën e pandemisë.

“Në kohën kur po ballafaqohemi me Pandeminë e COVID-19, si Kryetar i LDK-së, nuk do t’i tërheq njëanshëm ministrat dhe zëvendësministrat e LDK-së nga detyrat e tyre në Qeverinë në dorëheqje. Pasi që koalicioni VV-LDK ka rënë mbrëmë me mocion votëbesimi me votat e mbi 2/3 e deputetëve, mbetet në vullnetin e Kryeministrit në detyrë, z.Kurti, se a do të vazhdoj të punoj me ta gjatë kësaj gjendjeje emergjente, derisa të zgjedhet qeveria tjetër, apo do të bëj veprime tjera, ashtu siç e liroi z. Avdullah Hoti nga pozita e zëvendëskryeministrit të parë mbrëmë para mesnate!”, -shprehet Mustafa./ Opinion.al

Pas