SHÇBA ka nisur verifikimet për punonjësit e policisë së Tiranës në ngjarjen e ditës së hënë, kur shërbimi përmbarimor do të të ekzekutonte një vendim gjyqësor, për të prishur një godinë të banuar pranë shkollës “Petro Nini Luarasi”.
Sipas burimeve nga Ministria e Brendshme mënyra sesi dy punonjësit e përmbarimit kërkonin të hynin brenda banesës të dy familjeve Llapaj dhe Dervishaj është jashtëligjshme. Në fokusin e Shërbimit për Çështjet e Brendshme dhe Ankesave janë edhe ndërhyrjet e policisë dhe ndalimet e disa prej anëtarëve të dy familjeve të përfshira në këtë konflikt.
Ndërkohë banorët e godinës shprehen se kanë bërë rekurs në Gjykatën e Lartë për vendimin e dhënë nga apeli në Tirana. Ata kërkojnë që vendimi të mos të mosekzekutohet deri sa të shprehet Gjykata e Lartë.
Gjithashtu për këtë ngjarje u shkarkua nga detyra kreu i Policisë së Tiranës, Kastriot Skënderaj, sepse ministri i Brendshëm, Sandër Lleshaj u shpreh se uniformat blu, nuk ishin në lartësinë që kërkojnë qytetarët. Në vend të tij është komanduar Dhimitraq Ziu, i cili mbante postin e zv/drejtorit të policisë së kryeqytetit./Opinion.al/
