Detaje të reja janë zbardhur nga ngjarja e rëndë në Itali, ku u gjetën të copëtuar brenda katër valixheve trupat e çiftit shqiptar nga Vlora, Shpëtimit dhe Teuta Pasho, përkatësisht 62 dhe 60 vjeç.
Djali i çiftit, Taulant Pasho, 33-vjeç, i cili ishte shpallur në kërkim, sipas mediave italiane ndodhet në një burg të Zvicrës.
Mësohet se i riu ndodhet në burgun zviceran prej 16 tetorit të këtij vitit, pasi akuzohet për vjedhje e disa shkelje të tjera.
Sipas hetuesve, Taulant Pasho ishte personi i fundit që kishte takuar prindërit e tij më 2 nëntor, ditë në të cilën ai ka dalë nga burgu me masën sigurisë “Arrest shtëpie”.
Hetuesit janë fokusuar edhe te konfliktet familjare që kanë patur bashkëshortët me fëmijët e tyre prej vitesh.
Sipas mediave italiane, çiftit shqiptar i mungonte një shumë prej 40 mijë eurosh, pasi ishin deklaruar të vdekur dhe të zhdukur.
Kujtojmë që eshtrat e çiftit vlonjat, Shpëtim dhe Teuta Pasho, të cilët u zhdukën në 2015, u gjetën javën e kaluar nga një fermer ndërsa po punonte në kopshtin e tij./Opinion.al
