Vogëlushi i familjes mbretërore të Kembrixhit, princi George, feston sot 6-vjetorin e lindjes.
Prindërit e tij, princi William dhe dukesha Kate ndanë me ndjekësit e familjes mbretërore në Instagram disa foto të ëmbla të tij, duke pozuar në oborrin e pallatit mbretëror.
Princi George shfaqej i shtrirë në bar teksa buzëqeshte, ndërsa vëmendjen e të gjithëve e ka marrë hapësira e një dhëmbi të rënë në gojën e tij, e cila ia shtonte më shumë ëmbëlsinë.
“Gëzuar ditëlindjen Princi George! Duka dhe dukesha e Kembrixhit janë të lumtur të ndajnë me ju disa foto të Princit George, për të njoftuar për ditëlindjen e gjashtë të madhërisë së tij. Këto foto janë shkrepur në oborrin e shtëpisë së tyre, në Pallatin Kensington nga dukesha e Kembrixhit. Ju falenderojmë të gjithëve për mesazhet tuaja.”- shkruhet krahas fotove të vogëlushit 6-vjeçar./Opinion.al
