Protokolli mbretëror ka rregulla tejet të forta. Një prej tyre është edhe kontakti fizik mes personave të cilët nuk janë pjesë e kësaj familjeje. Sipas protokollit, është e ndaluar që një person të përqafojë apo puth një pjestar të familjes mbretërore përveç një shtrëngimi formal duarsh. Duket se Princ William i ka lënë pas këto rregulla pas vizitës që ai bëri së bashku me mbretëreshën te njerëzit e prekur nga zjarri që përfshiu kullën 24-katëshe në Londër. Mësohet se William është emocionuar nga historia e një prej grave, e cila kishte humbur burrin nga kjo tragjedi, dhe nuk ka ngurruar t’i japë një përqafim të ngrohtë.
Mbretëresha Elizabeth dhe Princ William u takuan gjithashtu edhe me persona të Shtabit të Emergjencës Civile, ku folën për situatën e krijuar dhe masat e deri tanishme. Përpara disa ditësh, familja mbretërore dhuroi shuma të konsiderueshme parash për këta njerëz./Opinion.al
