Në muajin tetor të vitit të shkuar “Mirror” shkroi se në familjen mbretërore ka një ftohje raportesh mes Kate Middleton e princit William me Meghan Markle dhe princ Harryn. Fillimisht u mendua se ishin dukeshat ato që nuk e pëlqenin njëra tjetrën por sipas disa burimeve pranë familjes mbretërore e gjitha filloi pas një diskutimi mes dy vëllezërve.
“William por dhe pjesa tjetër e familjes ishin mjaft të shqetësuar se marrëdhënia e Harryt me Meghan po ecte shumë shpejt. Dhe duke qenë i afërt me të vëllain, ai ishte i vetmi që mund t’i thoshte, ‘Duket se gjërat po lëvizin shumë shpejt, a je i sigurt?’. Mendoj se ai donte të jepte vetëm një këshillë vëllazërore. Por Harry është jashtëzakonisht mbrojtës ndaj Meghan-it dhe e pa këtë si kritikë. Ai e interpretoi bisedën sikur vëllai i tij nuk ishte pro lidhjes së tyre dhe gjërat nuk kanë qenë shumë të qeta që prej asaj kohe”, tha një burim pranë familjes mbretërore për emisionin “Kate kundër Meghan: Princeshat në luftë?”.
Nga ana tjetër një burim tjetër pranë familjes fajëson për këtë situatë, fiksimin e madh që Harry ka për Meghan:
“Gjithçka që kam dëgjuar vërdallë është se Harry mashtrohet shumë nga Meghan dhe është i magjepsur pas saj dhe se ka ndryshuar shumë. Njerëzit ndryshojnë kur ata martohen”.
Më parë Harry ishte shumë i lidhur me vëllain e tij dhe Kate, por pasi njohu Meghan gjërat kanë ndryshuar./E.M
