Emma Fairweather, gruaja që u përfshi në një aksident me Princ Philip, më në fund mori faljen që kishte kërkuar. Mësohet se Princ Philip i ka dërguar një letër ku shkruhet se ndjen “shumë keqardhje”. Duka 97 vjeçar i ka uruar “shërim të shpejtë” zonjës Fairweather, në një letër e cila daton një ditë pasi mediat shkruajtën që Princ Philip nuk ka kërkuar falje.
“Ishte një gjest i këndshëm,” tha Emma, viktima e aksidentit.
Letra e cila daton në 21 janar, është e shtypur në kompjuter por e firmosur me shkrim dore nga Princ Philip. Shënimi është dërguar në shtëpinë e Emma Fairweather me dorë dhe jo nëpërmjet postës. Znj. Fairweather thotë se letrën e ka marrë në datën 23 janar./E.L
Letra:
E dashur znj. Fairweather,
Dua të dini se më vjen shumë keq për pjesën time të fajit në aksidentin të kryqëzimi i Babingley.
Kam kaluar në atë kryqëzim shumë herë dhe jam i vetëdijshëm për trafikun. Ishte një ditë me diell rreth orës 3 pasdite. Dielli po shkëlqente ulët. Në kushte normale nuk do ta kisha të vështirë të shihja makinat që vinin nga Dersingham, por mund të imagjinoj që nuk e pashë dot makinën, dhe ndihem i penduar për pasojat.
Isha i tronditur nga aksidenti, por u qetësova kur mora vesh që askush nuk ishte dëmtuar seriozisht. Ndërsa turma po afrohej, policët më këshilluan të kthehesha në Shtëpinë Sandrigham. Aty mësova që ju kishin thyer krahun. Ndjej shumë keqardhje për dëmin.
Ju uroj shërim të shpejtë.
I juaji sinqerisht,
Philip.
