Disa ditë më parë duka dhe dukesha e Sussex u bënë pjesë e Instagramit me profilin e tyre zyrtar. Me anë të një postimi ata kanë falenderuar 4 milionë ndjekës për mbështjen që tregojnë për ardhjen në jetë të fëmijës së tyre të parë por kanë dhe një apel për ta.
“Mos na bëni dhurata, bëni bamirësi. Duka dhe dukesha e Sussex iu janë mirënjohës për përkrahjen tuaj dhe dashurinë që keni për fëmijën që pritet të vijë në jetë shumë shpejt. Mos na bëni ne dhurata por ndihmoni fëmijët dhe familjet në nevojë. Nëse ke bërë një dhurim dukët do t’ua dinë për nder”- shkruhet në postimin e Meghan dhe Harry-it.
Kujtojmë se në familjen mbretërore nuk lejohej përdorimi i rrjeteve sociale. I vetmi profil zyrtar që postonte foto, video dhe informacione nga aktivitetet dhe njoftimet e pallatit mbretëror deri më sot ishte @KensingtonRoyal që numëron plot 7.1 milionë ndjekës.
Por duka dhe dukesha e Sussex-it, vendosën të kenë një llogari të tyren personale, duke “u ndarë” zyrtarisht nga familja dhe duke shtuar akoma më shumë zërat për përcarje brenda pallatit./Opinion.al
