Ish-gjenerali amerikan Robert Abrams tha për ABC News se dyshonte nëse do ta shihte ndonjëherë në publik Prigozhin.
“Vlerësimi im personal është se dyshoj se Prigozhin do ta shohim më ndonjëherë publikisht. Mendoj se ai ose do të fshihet, ose do të dërgohet në burg, ose do të trajtohet në ndonjë mënyrë tjetër, por dyshoj se do ta shohim më ndonjëherë”, citohet të ketë thënë Abrams.
I pyetur nëse ai mendonte se Prigozhin ishte ende gjallë, gjenerali Abrams tha: “Unë personalisht nuk mendoj se ai është, dhe nëse është, ai është në një burg diku.”
Në fillim të kësaj jave, Rusia tha se Prigozhin dhe njerëzit e tij takuan Vladimir Putinin dhe u zotuan për besnikëri ndaj qeverisë pesë ditë pas kryengritjes së armatosur.
Sipas Kremlinit, takimi u zhvillua më 29 qershor, pesë ditë pasi Wagner i dha fund kryengritjes./Opinion.al
