TIRANE – Ish-ministri i Energjetikës, Dritan Prifti që u prish me Ilir Metën dhe LSI, 5 vite më parë nuk ka lënë pa përgjigje Spartak Brahon i cili e akuzon se bashkë me Tom Doshin po sulmojnë Metën dhe po provokojnë destabilitet politik. “Meta përdor një monstër si Spartak Braho”,-shprehet Prifti duke hedhur poshtë të gjithë akuzat ndaj tij dhe duke ngulmuar se nuk ka gisht në nxjerrjen e dokumenteve të CEZ.
“Faqja e zezë e Metës që përdor këtë të rrjedhur për ti shpëtuar drejtësisë, por turp dhe Edi Ramës që e futi këtë monstër në Parlament me listat e PS”, -u shpreh Prifti i kontaktuar nga gazetarët. “Nga frika se Meta mund të vihet para drejtësisë guxon të bëjë një letër dhe të gënjejë Presidentin e Republikës, Kryeministrin, Prokurorin e Përgjithshëm, SHISH dhe partnerët ndërkombëtarë. Në mënyrë kriminale bën shantazh se po të veprojë drejtësia mbi Ilir Metën vendi do të destabilizohet”, shprehet më tej Dritan Prifti. Sipas tij, kjo që po bën LSI është lojë e rrezikshme dhe në dëm të vendit.
