Ditën e hënë, Rita Ora filloi rrugëtimin e saj të ri si prezantuese e emisionit “America’s Next Top Model”. Ajo dhe anëtarët e jurisë do të jenë në kërkim të yllit të ardhshëm të industrisë së modës në Amerikë.
Mirëpo performanca e këngëtares nuk kishte sesi te mos krahasohej me prezantuesen e mëparshme të këtij formati, modelen legjendare Tyra Banks.
Rita Ora krahas përkrahësve të saj, që prej ditës së djeshme duhet të ketë kuptuar se ka edhe shumë të tjerë që nuk e pëlqejnë.
Pas shfaqjes së saj në shown e modës, ajo është kritikuar për faktin se nuk ka lidhje me modën dhe asnjëherë s’ka qenë në pasarel.
Një tjetër status në Twitter shkruan për 26 vjeçaren se disa prej konkurrenteve më shumë mundësi nuk e njohin fare se kush është.
Paraqitja e Rita Orës në “America’s Next Top Model” është konsideruar si një mënyrë që mirë për tu bërë e njohur në Amerikë.
Amerikanët atë e njohin nga roli i vogël në filmin “Fifty Shades of Grey” si dhe nga bashkëpunimi me Iggy Azalea në këngën “Black Widow”./ opinion.al
