Ministri i Brendshëm, Fatmir Xhafaj ka prezantuar të hënën pasdite Drejtorin e Policisë së Shtetit Ardi Veliun. Në fjalën e tij, përpara kolegëve, drejtori i ri tha se policia e shtetit ka nevojë për një ristrukturim të ri. Veliu tha se detyrën që i është besuar e shikon si sfidë të jetës.
Ardi Veliu: Sot e shoh si sfidën e jetës sime, përgjegjësi ndaj qyetarëve dhe arsyeja që ma besuat këtë detyrë. Përgjegjësia ndaj qytetarëve të republikës së Shqipërisë si dhe besimit të qeverisë ndaj meje në këto moment që ndodhet rendi më angazhon mua për të përmbushur me sukses këtë mision.
Unë e di që nuk jam vetëm në realizimin e këtij misioni. Jam i ndërgjegjshëm që organizata e policisë është institucioni më i besuar nga publiku në Shqipëri.
Jam i vendosur të punoj me përkushtim bashkë me ju kolegë për të realizuar objektivat e qeverisë në përmirësim të rendit dhe sigurisë.
Policia ka nevojë për një rritëm të ri, më dinamik në të gjitha nivelet për të qenë me rezultative në realizimin e strategjive të miratuara për rendin dhe kjo do të ndodhë. Ka nëvojë për ristrukturim të efektshëm si në nivel qendëror edhe në atë vendor. Policia e Shtetit sot ka nevojë për një menaxhim më eficent të burimeve njerëzore.
