Dmitryt Grachyov preu duart e gruas së tij, sepse mendonte se ajo po e mashtronte. Gjykata e ka ndaluar të shohë përsëri fëmijët e tij.
Ai dyshonte se gruaja e tij Margarita kishte një lidhje dhe u hakmor duke i prerë dorën.
Tani ai është shpallur mendërisht i arsyeshëm dhe i aftë për t’u gjykuar. Nëse dënohet, ai përballet me 10 vjet burg.
Në dhjetor të vitit të kaluar mori gruan e tij 26-vjeçare në makinë dhe e çoi në një pyll ku e lidhi. Ai e detyroi të gjunjëzohej dhe më pas i preu kyçet e saj me një sëpatë.
Që atëherë, gruaja njihet si një “frymëzim” në Rusi. Kjo pasi ka arritur të kapërcejë torturën e tmerrshme mesjetare të bashkëshortit të saj. Dora e saj e majtë u shpëtua nga kirurgët. Ndërsa ka një krah të djathtë “robot” të cilin po mëson ta përdorë.
Margarita këtë javë shprehu lehtësim se gjykata pas pesë seancave dëgjimore më në fund e privoi Grachyovin nga të drejtat e tij prindërore, që do të thotë se ai kurrë nuk do t’i shohë dy fëmijët e tij ose nuk do të luajë asnjë rol në edukimin e tyre.
Prokurorët gjithashtu njoftuan se ai duhet të akuzohet për kërcënimin me vrasje ndaj gruas së tij, si dhe rrëmbimin e saj dhe duke shkaktuar dëm të rëndë psikologjik e fizik tek nëna e re.
