Tre të burgosur që vuanin dënimin në burgun e Fushe-Krujes kane tentuar te arratisen. Mesohet se te denuarit per grabitje qendruan “tranzit” ne nje qeli dhe kur aty u ushtrua kontroll, u konstatua se ne qeli hekurat e dritares ishin të prera.
Arratia është parandaluar nga gardianet e burgut, dhe tashme te denuarit qe prene hekurat mesohet se do dergohen ne burgje te tjera.
Njoftimi i Ministrisë së Drejtësisë që ka në varësi Drejtorinë e Burgjeve
Në datë 01 maj 2018, rreth orës 11:52, gjatë kontrollit të ushtruar nga grupi i sigurisë, në godinën B (siguria e zakonshme), në njërën prej dhomave të katit të parë është konstatuar dëmtim i hekurave të zgarës së dritares së kësaj dhome.
Menjëherë janë marrë masa për sigurimin e të dënuarve që ndodheshin në këtë dhomë si dhe kanë nisur hetimet për zbardhjen e ngjarjes.
Në vend kanë shkuar grupe inspektimi nga Drejtoria e Përgjithshme e Burgjeve si dhe nga Shërbimi i Kontrollit të Brendshëm të Sistemit të Burgjeve, ndërsa është njoftuar edhe Komisariati i Policisë së Fushë Krujës.
Nga të dhënat paraprake, rezulton se dhoma ishte e sigurisë së ulët dhe shpesh herë ishte përdorur për akomodimin e personave të paraburgosur. Pesë personat që ndodheshin aktualisht në këtë dhomë, ishin aty prej jo më shumë se 15 ditësh.
Hetimet e mëtejshme do të bëjën të mundur zbardhjen e plotë të ngjarjes dhe vënien përpara përgjegjësisë ligjore për autorët.
