Presidentja e zgjedhur e Komisionit Evropian, Urusla von del Leyen, e mbrojti vendimin e saj për të emëruar në mesin e anëtarëve të rinj të KE-së një zyrtar përgjegjës për, Mbrojtjen e Mënyrës Evropiane të Jetesës, edhe pse kritikët e cilësuan këtë si slogan të ekstremit të djathtë.
Reagimi i saj erdhi pasi udhëheqësja e ekstremit të djathtë në Francë, Marine Le Pen, e cilësoi emërimin e ri si “fitore ideologjike”.
Von der Leyen postoi në Twitter një pjesë nga Traktati i Lisbonës, i cili thotë se Bashkimi Evropian është i bazuar në vlera që përfshijnë respektimin e dinjitetit njerëzor, lirinë, demokracinë, barazinë, sundimin e ligjit dhe të drejtat e njeriut.
“Mënyra evropiane e jetesës gjithashtu nënkupton të dëgjoni dhe debatoni me njëri-tjetrin për të gjetur zgjidhje për të mirën e përbashkët. Kjo është ajo që unë dua që ne të bëjmë së bashku”, tha ajo.
Von der Leyen emëroi Margaritis Schinas, ish-anëtar i Parlamentit Evropian, komisionar për Mbrojtjen e Mënyrës Evropiane të Jetesës, dhe pritet që ekipi i saj të marrë detyrën më 1 nëntor.
