Presidentja e Komisionit Europian Ursula Von der Leyen do të zhvillojë sot një vizitë zyrtare në Tiranë.
Von Der Leyen do të pritet në takim nga kreu i qeverisë Edi Rama në Kryeministri dhe më pas të dy liderët do të dalin në një konferencë të përbashkët për shtyp rreth orës 16:30.
Kjo vizitë e Von der Leyen vjen në kuadër të turit të vizitave që po zhvillon në Ballkanin Perëndimor. Një ditë më parë, presidentja e KE-së ishte në Maqedoninë e Verout dhe pas vizitës në Tiranë, të premten Von der Leyen do të jetë në Bosnje Hercegovinë dhe Serbi. Vizita e saj në Ballkan përmbyllet ditën e shtunë në Mal të Zi.
AXHENDA E URSULA VON DER LEYEN NË TIRANË
14:30 – Ceremonia e mikpritjes në Aeroportin Ndërkombëtar “Nënë Tereza”.
15:45 – Takim bilateral mes dy delegacioneve në Kryeministri.
16:30 – Konferencë për shtyp mes Kryeministrit Edi Rama dhe Ursula von der Leyen, Presidente e Komisionit Europian në sallën COD, Kryeministri.
