Presidentja e Komisionit Evropian, Ursula von der Leyen mëngjesin e sotëm ka komunikuar me kryeministrin e Kosovës, Albin Kurti, për tensionet e krijuara me Serbinë.
Ajo ka theksuar nevojën urgjente për deskalim të situatës në veri dhe kthim në dialogun e lehtësuar nga BE-ja për normalizimin e marrëdhënieve me Serbinë.
Ursula von der Leyen ka paralajmëruar se më vonë do të komunikojë edhe me presidentin e Serbisë, Aleksandër Vuçiç.
Ndërkohë kujtojmë që Ursula von der Leyen ka takuar ditën e sotme edhe kryeministrin e Shqipërisë, Edi Rama gjatë vizitës që ky i fundit po bën në Bruksel.
