Bota

Presidentit Biden i gjendet një grup i dytë i dokumenteve të klasifikuara



Bëhu pjesë e Grupit Zyrtar të Opinion.al
>> KËTU <<
               Publikuar në : 09:05 - 12/01/23 |
Opi Nion

Ndihmësit e presidentit amerikan, Joe Biden, kanë gjetur një grumbull të ri dokumentesh të klasifikuara në një tjetër vend. Dokumentet e para u gjetën në një zyrë private në Uashington DC që zoti Biden e përdori pasi ishte nënpresident i Shteteve të Bashkuara. Çështja është në shqyrtim nga Departamenti Amerikan i Drejtësisë.

Ish-presidenti Donald Trump po përballet me një hetim penal për keqpërdorimin e dosjeve të klasifikuara.

Nuk ishte ende e qartë të mërkurën se kur dhe ku u gjetën dokumentet shtesë nga ndihmësit e Biden.

Grupi prej rreth 10 dokumentesh u zbulua në nëntor në Qendrën Penn Biden, një institut pranë Shtëpisë së Bardhë, por lajmi doli në dritë vetëm këtë javë.

Këto dokumente thuhet se përfshijnë memorandume të inteligjencës amerikane dhe materiale informuese në lidhje me Ukrainën, Iranin dhe Mbretërinë e Bashkuar.

Shtëpia e Bardhë nuk ka komentuar ende për grupin e sapo zbuluar. Megjithatë, zbulimi është konfirmuar nga partneri amerikan i BBC-së, CBS dhe media të tjera amerikane.

Gjatë konferencës së saj të përditshme për shtyp të mërkurën, sekretarja e shtypit e Biden, Karine Jean-Pierre nuk pranoi t’u përgjigjej pyetjeve në lidhje me rastin e parë të gjetjes së dokumenteve të klasifikuara.

“Kjo çështje është në shqyrtim nga Departamenti i Drejtësisë”, tha ajo. “Unë nuk do të shkoj përtej asaj që ndau presidenti dje.”

Zoti Biden tha të martën se ishte “i befasuar” nga zbulimi i të dhënave dhe po “bashkëpunonte” me departamentin e drejtësisë.

Komiteti po nis hetimet ndaj presidentit dhe familjes së tij, duke përfshirë një kërkesë që Shtëpia e Bardhë të dorëzojë dokumentet dhe komunikimet në lidhje me dosjet e klasifikuara.

Ligji kërkon që të gjitha të dhënat e Shtëpisë së Bardhë, përfshirë ato të klasifikuara, t’i dorëzohen Arkivit Kombëtar të SHBA-së pas kohës së administratës në detyrë.

Shtëpia e Bardhë ka thënë se avokatët e zotit Biden njoftuan arkivat sapo gjetën materialet e klasifikuara në qendrën e mendimit dhe agjencia i mori ato të nesërmen në mëngjes.

Gushtin e kaluar, agjentët e FBI kontrolluan shtëpinë e paraardhësit të Biden në Florida dhe sekuestruan më shumë se 10,000 dosje që zoti Trump nuk i kishte dorëzuar në Arkivin Kombëtar.

Pas