Presidenti ukrainas Volodymyr Zelensky ka vizituar Bucha-n, pasi vazhdojnë të shfaqen më shumë prova të mizorive të ushtrisë ruse në këtë zonë.
Sipas BBC, ai ishte në rrugën në të cilën iu bë pritë një kolone ruse dhe foli me banorët vendas. Zelensky përsëriti se Rusia kishte kryer krime lufte dhe genocid në Ukrainë.
I pyetur nga BBC nëse është ende e mundur të diskutohet për paqen me Rusinë, ai tha: “Po, sepse Ukraina duhet të ketë paqe. Ne jemi në Evropën e shekullit të 21-të. Ne do të vazhdojmë përpjekjet diplomatike dhe ushtarake.”
Bucha ishte një nga vendet ku ka patur luftime të ashpra. Pas tërheqjes së trupave ruse dhe rimarrjes së kontrollit nga ukrainasit imazhet që vijnë nga ky qytet janë tronditëse. Njerëz të vrarë me duar të lidhura në rrugë e varre masive.
