Presidenti amerikan Donald Trump do t’i nënshtrohet një ekzaminimi fizik vjetor rutinë muajin e ardhshëm.
Vizita do të realizohet në Qendrën Mjekësore Kombëtare Ushtarake Walter Reed, tha mjeku i tij në një njoftim të shpërndarë nga Shtëpia e Bardhë.
“Data e ekzaminimit të tij fizik do të publikohet në javët e ardhshme,” tha mjeku, Sean Barbabella.
Pavarësisht moshës së tij, Trump gëzon një gjendje të mirë fizike dhe plot me energji.
Por në të kaluarën, kontrollet mjekësorë kanë ngritur pikëpyetje në lidhje me transparencën e detajeve të rezultateve.
Ndonëse Presidenti Trump nuk konsumon alkool apo duhan, ai njihet për pasionin që ka për ushqimet e shpejta apo mishin e pjekur.
