Presidenti amerikan Donald Trump ka zhvilluar një bisedë telefonike me Presidentin e Rusisë Vladimir Putin.
Trump e ka bërë të ditur këtë fakt përmes një postimi në rrjetin e tij social “Social Truth”, ku u shpreh se me Putin pati një telefonatë të gjatë dhe shumë produktive.
Sipas Trump, të dy ranë dakord që duhet të marrë fund lufta në Ukrainë me Rusinë.
“Ne ramë dakord të punojmë së bashku, shumë ngushtë, duke përfshirë vizitën e kombeve të njëri-tjetrit. Ne kemi rënë gjithashtu dakord që ekipet tona përkatëse të fillojnë menjëherë negociatat dhe do të fillojmë duke telefonuar Presidentin Volodymyr Zelensky, të Ukrainës, për ta informuar atë për bisedën, diçka që do të bëj tani”, shprehet ai.
Trump shton se ai ka udhëzuar një ekip, duke përfshirë Sekretarin e Shtetit Marco Rubio, për të udhëhequr negociatat.
“Dua të falënderoj Presidentin Putin për kohën dhe përpjekjen e tij në lidhje me këtë thirrje, dhe për lirimin, dje, të Marc Fogel, një njeriu të mrekullueshëm që personalisht e përshëndeta mbrëmë në Shtëpinë e Bardhë. Besoj se kjo përpjekje do të çojë në një përfundim të suksesshëm, shpresojmë së shpejti!”
