Presidenti i Kosovës Hashim Thaçi ka njoftuar se ka nënshkruar sot ligjin për Trepçën, pak orë pas vendimit të Gjykatës Kushtetuese e cila refuzoi kërkesën e Listës Serbe për t’u shqyrtuar kushtetutshmëria e Ligjit për “Trepçën.
Përmes faqes së tij zyrtare në Facebook, Thaçi ka shprehur rëndësinë që “Trepça” ka për shtetin e Kosovës.
“Trepça si pasuri nacionale vazhdon të mbetet e rëndësisë strategjike për ne”, tha ish-lideri i PDK-së, tanimë president i Kosovës.
Ligji për “Trepçën” është miratuar në Kuvendin e Kosovës më 8 tetor të këtij viti, mirëpo nëse Ligji për Trepçën nuk do të hynte në fuqi deri më 2 nëntor, gjiganti ekonomik do të mund të shkonte në likuidim sipas vendimit të Dhomës së Veçantë të Gjykatës Supreme. /Insajderi.com
