Presidenti i Kosovës Hashim Thaci i ka dërguar sot një letër kryeministrit në detyrë Albin Kurti ku i ka kërkuar të prpozojë kandidatin e ri për ta mandatuar formimin e Qeverisë.
Në cilësinë e kreut të Lëvizjes Vetëvendosje e cila fitoi zgjedhjet e 6 tetorit në Kosovë, Thaci i është drejtuar Kurtit për të formuar qeverinë e re.
Pas votimit të mocionit të mosbesimit në Kuvend, Kurti është shprehur se në bazë të Kushtetutës vendi duhet t’i nënshtrohet zgjedhjeve të jashtëzakonshme dhe jo formimit të një qeverie të re.
Megjithatë përfaqësuesit e të gjithë partive të tjera parlamentare në Kosovë kanë qenë kundër tij përfshi edhe Presidentin Thaci.
“Ju lutem, në emër të Lëvizjes Vetëvendosje, propozoni kandidatin të ri, të cilin do ta mandator për formimin e Qeverisë së Republikës së Kosovës”, thuhet në letrën e tij të parë, njofton Klan Kosova.
Ish-partneri i VV në koalicion, Isa Mustafa ka paralajmëruar se ai do të kërkoj bashkëpunim me AAK-në, Nismën dhe minoritetet për të formuar një qeveri të re. Këtë e ka mbështetu edhe ish-kryeministri Haradinaj i cili ka thënë gjithashtu se nuk do të ketë asnjë post në qeverinë e re.
Koalicioni VV-LDK u thye pas përplasjes së Albin Kurtit dhe Isa Mustafës për cështjen e tarifave kundër serbisë dhe më pas shkarkimit të ministrit të Brendshëm të Kosovës i cili ishte emërim i LDK-së. /Opinion.al
