Ndërsa presidenti Meta publikoi gjatë ditës së sotme disa mesazhe të shkëmbyera me Belind Këlliçin gjatë mbajtjes së protestës së 8 Janarit, ky i fundit ka sqaruar situatën gjatë një interviste në abc news. Këlliçi tha se kishte patur një telefonatë nga presidenti, por nuk ka arritur të përgjigjet dhe më pas kanë shkëmbyer mesazhe.
“Një komunikim që është bërë publik edhe për media. Kam pasur një telefonatë nga presidenti mëngjesin e 8 janarit që nuk kam pasur mundësi t’i përgjigjem. Unë komunikoj çdo ditë në çdo orë të ditës të natës me demokratë të thjeshtë apo jo. Çdokujt i kthej përgjigje dhe jo më presidentit. I kam çuar një mesazh mbrapsht kur kam parë thirrjen që president kam qenë në takim. Ai kishte pasur një shqetësim në lidhje me makinat e parkuara”, u shpreh Këlliçi./Opinion.al
