Presidenti Meta dhe Kryeministri Rama vijojnë të replikojnë në distancë lidhur me situatën e krijuar ditët e fundit në pikën doganore të Kakavijës. Pasi Presidenti Meta publikoi dokumentin, sipas të cilit pala shqiptare njoftohej që në datën 5 Gusht lidhur me masat e autoriteteve greke dhe vuri përgjegjësi mbi Kryeministrin që është dhe Ministër i Jashtëm, Rama i përgjigjet përmes një tuiteri.
“Sipas gazetës “Ekathimerini” radha e veturave që pritën nga Bullgaria në doganën e Kulatas në Greqi,shkoi 10 km, ndërsa ajo e kamionëve arriti 15 km!Por Presidenti bullgar s’doli të fajësojë qeverinë e as i quajti qytetarët pa atdhe e pa shtet!Mëso Ilir se s’të ka borxh Shqipëria!”, shkruan Rama./Opinion.al
