Presidenti i Republikës Ilir Meta ka shkruar përmes një postimi në rrjete sociale se këshilltari i tij për mediat, Tedi Blushi ka marrë një kërcënim në emër të një ambasade.
Sipas postimit të Presidentit, Blushit i është kërkuar që të heqë një postim të bërë sot paradite brenda 30 minutave.
Meta ka theksuar se ka kërkuar hetim të menjërshëm lidhur me këtë ngjarje.
“Po, zëdhënësi im, z.Tedi Blushi është shantazhuar në emër të një Ambasade të huaj në Tiranë, që të tërheqë një postim të bërë sot paradite për shkak të detyrës brenda 30 minutash. Kam kërkuar hetim të menjëhershëm. Shpresoj të jetë lojë e Rilindjes por mjerë ata diplomatë që mund të kenë kërcënuar Zëdhënësin e Presidentit të Republikës,”-përfundon Presidenti./Opinion.al/
