Kryesore

Tërmeti/ Meta jep detaje nga mbledhja e Këshillit të Sigurisë Kombëtare


               Publikuar në : 10:31 - 02/12/19 |
Opi Nion

Presidenti Ilir Meta ka reaguar pas mbledhjes së Këshillit të Sigurisë Kombëtare, të zhvilluar sot në ambientet e Presidencës.

Në këtë mbledhje ishte i pranishëm edhe kryeministri Edi Rama. Ndërkohë, Meta është shprehur në reagimin e tij se në këtë mbledhje është diskutuar për bashkëveprim dhe koordinim për t’u përballur me situatën e rëndë të shkaktuar nga tërmeti i 26 nëntorit.

Presidenti ka thënë se anëtarët e Këshillit të Sigurisë Kombëtare kanë mbështetur prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.

Postimi i Plotë

Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë

E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.
Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm./Opinion.al

Pas