Presidenti meksikan, Andres Manuel Lopez Obrador, sugjeroi se tradita e grave që qëndrojnë në shtëpi për t’u kujdesur për anëtarët e moshuar të familjes ishte thelbësore në luftimin e pandemisë së koronavirusit. Fjalët e tij kanë shkaktuar kritika dhe janë konsideruar seksiste.
Kjo nuk është hera e parë që lideri 66-vjeçar është akuzuar se ka bërë komente ku duket se mungon empatia ndaj grave.
“Njerëzit duan të ndryshojnë rolin e grave dhe kjo është një nga shkaqet e drejta të feminizmit, por tradita në Meksikë është që vajzat janë ato që duhet të kujdesen më shumë për prindërit. Ne burrat jemi më të shkëputur, “- tha Lopez Obrador.
Ndërsa të moshuarit në shtëpitë e pleqve në Europë vuajtën nga pandemia, pleqtë e Meksikës u ndihmuan pikërisht nga ky zakon, tha ai, duke shtuar se “familja meksikane është institucioni më i rëndësishëm i sigurimeve shoqërore” në vend.
Po kjo nuk është hera e parë që ai shkakton pakënaqësi të tilla. Reagimi i Lopez Obrador mbi vrasjet brutale të grave në Meksikë, ka bërë që të ulet mbështetja për të në mesin e grave votuese, gjithashtu ka nxitur protesta.
