Janë zbardhur disa nga propozimet për kandidatët për president që kanë dalë në mbledhjen e Grupit Parlamentar të PD-së. Deputeti i Partisë Demokratike, Ferdinand Xhaferraj ka propozuar në mbledhjen e sotme emrin e Leonard Demit si kandidat për President.
Ndërkohë deputeti Flamur Hoxha ka propozuar emrin e Arben Çejkut, ish-ambasador i Shqipërisë në Maqedoni.
Ndër të tjera burime për Opinion.al bëjnë me dije se Kreshnik Çollaku ka propozuar emrin e Dashamir Shehit, ndërsa deputetët Jorida Tabaku dhe Sajmir Koreshi kanë propozuar emrin e Visar Zhitit.
Emrat e tjerë të propozuar nga deputetët e PD-së deri tani janë: Dritan Demiraj, Jorida Tabaku, Rexhep Uka, Halim Kosova, Leka Zogu, Lajla Pernaska.
Kujtojmë se mbledhja nuk ka përfunduar dhe mund të dalin kandidatë të tjerë./Opinion.al
