Seanca e parë parlamentare ka dështuar, pasi mazhoranca ende nuk ka një emër për kandidat për President dhe opozita nuk ka marrë pjesë në seancën plenare. Duket qenë se në garë nuk ka asnjë kandidat edhe procedurat ishin thjesht formale.
Pasi kryetarja e komisionit të Ligjeve, Vasilika Hysi lexoi raportin e komisionit për raundin e parë, kryeparlamentari Ilir Meta tha se seanca e parë konsiderohet e ezauruar. “Komisioni konstatoi se asnjë kandidaturë për President nuk është depozituar në Kuvendin e Shqipërisë. Votimi quhet i kryer edhe në konkurrim nuk pshtë paraqitur asnjë kandidat i paraqet seancës këtë raport me qëllim përmbylljen e procedurave të raundit të parë”, ka deklaruar Hysi.
Meta deklaroi se do të mblidhet Konferenca e Kryetarëve ajo që do të vendosë për seancën e radhës të raundit të ri të procedurave për zgjedhjen e Presidentit.”Bazuar në raportin e komisionit të Ligjeve, seanca e parë quhet e ezauruar”, është shprehur Meta.
Më herët, u mblodh edhe Komisioni i Ligjeve. Si seanca parlamentare ashtu edhe komisioni i Ligjeve kanë zhvilluar mbledhje formale për shkak se nuk ka pasur kandidatura për President.
Raundi i parë u dogj pasi opozita është jashtë parlamentit, ndërsa mazhoranca nuk ka propozuar asnjë emër, pasi ka deklaruar se kërkon një figurë konsensuale që të ketë edhe pëlqimin e Opozitës./opinon.al
