Nasser Al Khelaifi, Presidenti i PSG, sqaroi të ardhmen e Kylian Mbappe në konferencën e prezantimit të trajnerit të ri të ekipit, Luis Enrique.
“Pozicioni jonë është i qartë. Nëse Mbappe dëshiron që të qëndrojë, ashtu siç duam edhe ne, duhet të rinovojë kontratën. Nuk mund të lejojmë që të na ikë falas”, tha Al Khelaifi.
Gjithashtu, ai shtoi se vendimin për rinovimin ose jo të kontratës me PSG, ylli francez duhet ta marrë brenda 2 javëve.
“Kylian duhet të vendosë brenda një ose dy javëve maksimumi. Nëse nuk firmos kontratën e re, derën e ka të hapur. Unë u habita shumë kur mora vesh se ai donte të largohej falas në vitin 2024. Është djalë i mirë, kështu që nuk do ta bënte kurrë atë gjë, të ikte falas duke dobësuar klubin më të madh të vendit të tij”, shtoi Presidenti i PSG.
