Kreu i Parlamentit Europian, David Sassoli ka reaguar për situatën e krijuar nga tërmetet në 48 orët e fundit në Shqipëri.
Ai ka postuar një mesazh solidariteti në Twitter ku shprehet se Bashkimi Europian është gati të japë ndihma për rindërtimin e banesave të dëmtuara.
“Në këto kohë të vështira, ne jemi me qytetarët shqiptarë. Mendjet tona janë me ata që janë lënduar dhe kanë humbur banesat. Europa është gati për të ndihmuar në rimëkëmbjen dhe rindërtim” shkruan Sassoli.
Lajmi për tërmetin e fuqishëm që tronditi Shqipërinë bëri jehonë në mediat ndërkombëtare dhe në kancelaritë e qeverive të ndryshme në botë të cilat u solidarizuan me të dëmtuarit nga tërmeti. /Opinion.al
In these difficult hours, we stand with the Albanian people. Our thoughts are with those who have been injured or lost their homes. Europe is ready to assist in the recovery and reconstruction. pic.twitter.com/Gfor1wv3Bb
— David Sassoli (@EP_President) September 23, 2019
