Është djegur edhe raundi i tretë për zgjedhjen e presidentit. Afati i fundit për propozimin e një emri nga opozita është djegur.
Deri në orën 16:00 nuk është propozuar emri i asnjë kandidatë për president. Ndërsa tani më mazhoranca mund të bëj edhe atë që ka paralajmëruar, të propozojë dhe zgjedhë një kandidat për postin e presidentit.
Ditën e nesërme pritet të zhvillohet edhe raundi i tretë por në parlament nuk do të kryhet asnjë votim pasi nuk ka emër të propozuar nga palët politike.
Tashmë radha për të zgjedhur Presidentin i kalon mazhorancës e cila i ka 71 vota të mjaftueshme për të përcaktuar kreun e ri të shtetit, edhe pse deri më tani ata nuk kanë nxjerrë asnjë emër.
Kujtojmë se mazhoranca vendosi që 3 raundet e para t’i propozonte opozita emrat për kandidatë president.
Nga raundi i parë deri në të tretin Presidenti zgjidhej me shumicë të cilësuar prej 84 votash, ndërsa në 2 raundet e mbetura mazhoranca mund ta zgjedhë e vetme me një shumicë të thjeshtë prej 71 votash./Opinion.al
