Presidenti i Lituanisë ka shpallur gjendjen e jashtëzakonshme këtë të enjte, duke urdhëruar dhe ushtrinë që të vendoset përgjatë kufijve të vendit.
Mësohet se vendosja e ushtrisë në kufi do të bëhet në përgjigje të “shqetësimeve dhe provokimeve të mundshme për shkak të forcave të mëdha ushtarake të grumbulluara në Rusi dhe Bjellorusi”.
Gjendja e jashtëzakonshme, u shpall disa orë pasi forcat ruse pushtuan Ukrainën, do të jetë e vlefshme për dy javë.
Parlamenti do të mblidhet sot për të votuar nëse do të konfirmojë apo anulojë vendimin e Presidentit Gitanas Nauseda./Opinion.al
