Presidenti i Këshillit Europian, Charles Michel, do të vizitojë sot Shqipërinë ku do të takojë kryeministrin Edi Rama.
Sipas axhendës së tij, ish-kryeministri belg do të mbërrijë në Tiranë në mesditë dhe do të takojë Ramën në orën 12:50. Ata do të dalin në një konferencë për mediat në orën 13:20 dhe pas gjysmë ore do të ulen në një drekë pune.
Tema e bisedës së Presidentit të KE me kryeministrin Shqiptar do të ketë në qendër procesin e çeljes së negociatave.
Pas Shqipërisë, Michel do të udhëtojë për në Maqedoninë e Veriut ku do të takojë gjatë pasdites Presidentin Pendarovski, kryeministrin Oliver Spasovski dhe ministrin e jashtëm Nikola Dimitrov. /Opinion.al
