Menjëherë pas kualifikimit në Champions League, presidenti i Interit, Erick Thohir ka folur për objektivin që skuadra zikaltër ka për sezonin e ardhshëm dhe për lojtarët që do të qendrojnë dhe ata që do të largohen.
“Objektivi ishte të ktheheshim në Champions brenda pesë vitesh dhe ia kemi dalë që këtë vit. Tani duam gjysmëfinalen dhe për ta arritur do të mbajmë Luciano Spalletti-n në stol” ka thënë Thohir për “Republika.co.id”.
Ndërkohë Presidenti ka thënë se do të bëjnë investime për sezonin e ardhshëm.
“Do të kërkojmë të plotësojmë kërkesat e tij, do të mbajmë lojtarët kyç, do të përforcojmë mbrojtjen dhe do të investojmë. Suksesi i Inter është se ka lojtarë, trajnerë, drejtues që ndajnë të njëjtin vizion dhe bashkëpunojnë” ka shtuar më tej Thohir.
Gjithashtu ai ka bërë të ditur se të ardhurat e klubit janë rritur në 220 milionë dollarë, por tashmë do t’i kalojmë 300 milionë pas kualifikimit në Champions.
