Pas problemeve të shumta me pagat, duke se të hënën lojtarët e Flamurtarit do të likuidohen. Lajmi është konfirmuar ekskluzivisht për “Panorama Sport”, nga administratori Sinan Idrizi. Por Idrizi hedh edhe bombën, teksa paralajmëron largimin muajin e ardhshëm nëse nuk ndryshon ligji për sportet.
“Unë do të përpiqem që transfertat t’i mbyll sot (dje), pasi jam në bankë në këto momente. Nëse nuk mbyllen sot se ora është 16:00 tani që po flasim bashkë, maksimumi ditën e hënë paratë janë në llogaritë e lojtarëve. Të të gjithëve, pa përjashtim. Unë këtë e bëra për respekt të këtyre lojtarëve dhe qytetit, por në këto kushte, të rri e të pres një letër me dy rreshta tre muaj, katër muaj e pesë muaj, ky është shansi i fundit. Unë nuk merrem më me këtë punë”, tha Idrizi për “Panorama Sport”.
Sinan Idrizi ka kërcënuar Bashkinë e Vlorës dhe shtetin shqiptar, që nëse nuk ndryshojnë ligjin për sportin dhe nuk privatizojnë klubin, do të largohet nga ekipi. “Unë me këto kushte nuk rri dot më. Letra tani na erdhi nga bashkia. Kjo letër na jep ofertën për privatizimin e klubeve. Brenda 100 ditëve u tha që do të mbyllet ligji i sporteve në Shqipëri”, ka thënë ai./Opinion.al
