FSHF-ja vijon me ultimatumet ndaj Flamurtarit për borxhet e prapambetura që klubi u ka ish-trajnerëve dhe ish-lojtarëve. Në një shkresë të mbërritur së fundmi në klubin vlonjat, institucioni më i lartë i futbollit në vend paralajmëron se do të ketë masa nëse Flamurtari nuk paguan borxhet.
Në shkresën që FSHFj-a ka nisur në Vlorë thuhet ndër të tjera se masa e parë penalizuese është ajo e mosregjistrimit të klubit për sezonin e ri futbollistik. Zyrtarët e FSHFsë i kujtojnë në shkresën e mbërritur në klub drejtuesve të Flamurtarit, borxhet prej 40 mijë eurosh që kanë ndaj isht-rajnerit Gjoka, po ashtu edhe 40 mijë eurot e ishkapitenit Veliu, por edhe borxhe të tjera ndaj ishlojtarëve. FSHFja kërcënon Klubin e Futbollit Flamurtari me marrjen e masave ndëshkuese nëse nuk reagon. Në fakt, ultimatum të tilla FSHFja i nisi edhe pak kohë më parë në drejtim të Flamurtarit, por më i fundit duket edhe më i ashpër.
Reagimi
Administratori i Flamurtarit, Sinan Idrizi, ka reaguar ashpër ndaj ultimatumit të FSHF-së. Për “Panorama Sport”, Idrizi thotë se FSHF-ja nuk njeh rregullat e shtetit, ndërsa thekson se në këto kushte ai nuk njeh FSHFnë dhe nuk zbaton asnjë urdhër të saj. “Nuk paguaj asnjë detyrim nga gjyqet që ishtrajnerë apo ishfutbollistë kanë hapur ndaj klubit. Ato borxhe nuk më përkasin mua. FSHF-ja po kërcënon Flamurtarin. FSHF-ja nuk njeh rregullat e shtetit. Na vë ne përballë faktit që, sipas saj, duhet të paguajmë 40 mijë euro, një trajneri apo një futbollisti.
Ernest Gjokën e kemi çuar në KAS. Unë nuk e njoh borxhin ndaj tij, por as bashkia nuk e njeh me sa di. Nuk njoh asnjë borxh që klubi ka para marrjes në administrim nga kompanitë turke, i kujtdo qoftë. Çfarë janë këto kërcënime, kur ato borxhe nuk më takojnë fare mua?! Unë nuk zbatoj asnjë urdhër të FSHF-së. Këto ditë do të dal publikisht në një konferencë për shtyp dhe do të denoncoj me fakte të gjitha kërcënimet që më bën FSHF-ja. Është turp që institucioni i futbollit nuk njeh detyrimet e klubeve në tatime. Janë 180 milionë lekë borxhe të prapambetura në tatime, unë nuk i paguaj, pasi nuk janë të miat. Nuk i njoh shifrat që FSHFja më vë përpara. Nuk e njoh Komisionin e Disiplinës, pasi është abuzivist”, tha Idrizi.
Mesazhi
Sinan Idrizi thekson se FSHF-ja po shantazhon Flamurtarin me rënie nga kategoria. Sipas Idrizit, kjo gjë nuk do të arrihet kurrë, ndërsa ka një mesazh për institucionin e futbollit në vend. “Më bën presion, shantazh dhe ultimatum FSHFja mua me rënien e Flamurtarit nga kategoria, nëse nuk paguaj borxhet. Më bën presion që t’i kthejmë lojtarit X në llogarinë e tij bankare 40 mijë euro.
Kush janë këta zotërinj, cili është ky institucion që nuk njeh ligjet e shtetit?! Nuk ka shanse që ata të më bëjnë presion dhe shantazh mua. Të ndajë qëndrimin e saj FSHFja. Por me sa duket nuk njeh tatimpagimin mbi rrogën. Më thotë mua në tre rreshta letër që i detyrohesh Xit, 40 mijë euro? Çfarë janë këto?! Ta harrojnë, nuk e rrëzojnë apo e dëmtojnë dot Flamurtarin me këto lojëra të pista”, përfundon Idrizi.
