Pas përfundimit të Botërorit Polonia mbeti pa trajner dhe kështu presidenti i federatës Zbigniev Boniek u detyrua të zgjidhte një trajner të ri dhe ai ishte Jerzi Bërzeçek.
Para rinovimit me polakun, po përflitej për një kalim të Xhani de Biazit në krye të pankinës polake por kjo nuk ndodhi dhe pas kësaj, De Biazi: “Isha praktikisht trajner i Polonisë, pastaj Boniek zgjodhi një trajner polak. U ndjeva sikur më kishin pushuar nga puna. U zhgënjeva, do kisha dashur të më njoftonte ai dhe jo me anë të gazetave”.
Por nuk ka vonuar edhe reagimi i kreut të federatës polake i cili mohoj që De Biazi ta ketë bërë fajtor për këtë çështje duke thënë: “Xhani De Biazi nuk më ka fajësuar, ashtu si disa gazetarë e kanë paraqitur. Unë fola me të drejtpërdrejtë dhe i thashë që nëse do të zgjidhja një të huaj, ai do të ishte zgjedhja ime e parë. Kur unë zgjodha Jerzi, menjëherë i shkrova një mesazh Xhanit. Askush nuk pati pretendime me njëri-tjetrin. Pak vetë prisnin që Jerzi të ishte trajneri. Ne donim të bënim zgjedhjen e duhur, që do të na garantonte se ekipi do të ishte në duar të sigurta”.
